Tushda HINA ko’rsa

Xina. Agar tushda qo’l va oyog’iga xina qo’ysa, sabr, g’amdan dalolat.

Xirildoq, dag’al, past ovoz. U tushda foydasi yo’q gapirishdir. Gohida yolg’on gapdir. Ko’pincha faqirning boy bo’lishiga dalolat qiladi.

Xirqa (eski kiyim). Agar tushda xirqani o’zidan uzoq qilsa, g’am uzoq bo’ladi.

Xirmon. U tushda uzoq mehnatdan so’ng qo’lga kiritilgan boylikdir.

Xirmon. G’alla to’la xirmon — turmushning yaxshilanishi, yaxshi kayfiyat.

Hisob-kitob. Agar tushingizda ishxonangiz hisob- kitoblarini g’oyat to’g’ri qilgan bo’lsangiz, o’ngingizda oldingizga ko’yilgan vazifani uddalay olasiz, qobiliyat va mehnatsevarligingizni boshlig’ingiz qadrlaydi. Agar hisob-kitobda adashib ketib, ishga ko’l siltasangiz, o’ngingizda rejalaringiz amalga oshmaydi. Tushdagi hisob-kitoblaringiz sizni qoniqtirsa, muvaffaqiyatga erishasiz. Agar hisob-kitobingiz chalkash bo’lsa, ishxonadagi hamkasblaringiz bilan munosabatlaringiz yaxshi bo’lmaydi. Hisob-kitob qila turib, bo’luvni amalga oshirayotgan bo’lsangiz, o’ngingizda oilangizda janjal chiqadi. Agar ko’paytiruvni amalga oshirsangiz, o’ngingizda hamma ishlaringiz joyida bo’ladi.

Hovli. Kimki tushida hovlining chinnidek tozalanganligini ko’rsa — quvonch, chirkin hovli — ko’ngilsizlik.

Hovli. Hovli tushda kishining dunyosidir. Kim tushida yangi, yordamchi xona (oshxona)lari mukammal

qilib suvalgan hovlisi borligini ko’rsa, agar u faqir bo’lsa, boy bo’ladi, g’am-tashvishli bo’lsa, xursand bo’ladi. Uning torligi baxilligidir. Agar’ kishi noma’lum hovliga kirib, unda o’liklarni ko’rsa, u oxirat diyoridir. Agar hovli xom g’ishtdan qilingan bo’lsa, bu uning oxirat hovlisidagi holining yomonligidir. Agar hovliga kirib, undan chiqsa, og’ir kasal bo’ladi, so’ngra bu kasaldan najot topadi.

Hijob. Tushga kirgan hijob umri uzun bo’ladigan qizga dalolatdir.

Hijr surasi. Ibn Sirin aytadilarki, agar tushida Hijr surasini o’qisa, dalildirki, Haq taolo oldida obro’li bo’ladi. Kirmoniy aytadilarki, umidlari hosil bo’ladi.

Xizmatkor. Kimki tushida o’zining xizmatkor bo’lganini ko’rsa va sidqidildan birovning xizmatini qilayotgan bo’lsa, o’ngida martabasi yuksaladi. Har kim tushida xizmatkorini ishdan bo’shatsa, o’ngida afsus chekadi. Tushingizda xizmatkorga ega bo’lsangiz, bir qancha mashaqqatlardan keyin muvaffaqiyatga erishishingizga ishora. Xizmatkor biron narsangizni o’g’irlagan bo’lsa, o’ngingizda o’g’riga duch kelasiz.

Xizmatchi ayol. Aldov, g’iybat, janjal ramzi.

Xizr alayhissalom. U zotni tushda ko’rish ne’mat ko’payishi, yaxshilik, zararli narsadan omonda bo’lishga dalolat qiladi. Kim tushida u zotni ko’rsa, umri uzun bo’lib, hajga boradi.

Xiqichoq, xirillash. Kim tushida o’zini xirillayotganini ko’rsa, u g’azablanadi, o’ziga noloyiq narsani gapiradi va qattiq kasal bo’ladi.

Hiqichoq. Uzokdan xabar kelishiga ishora.

Hikmat. Agar kishi tushda hikmat ilmini o’qisa, Qur’on o’qiydigan bo’ladi. Agar hikmat varaqlarini yirtsa, hikmat va ilmni ko’p o’qiydi.

Xilol qilish. Xilol qilish tushda yaxshidir. Ba’zilar aytishicha, agar tushda xilol qilsa, oila a’zolari nuqsonidan darak.

Xil’at. Xil’at tushda pokiza va yaxshidir. Agar tushda olim unga xil’at bersa, olimdan unga ilm hosil bo’ladi.

Himmat. Kimki tushingizda sizga himmat ko’rsatsa, o’ngda buning aksi bo’ladi.

Hovuz. Tushda ko’lni ko’rmak — mo’l-ko’lchilik ramzi.

Hovuz. Hovuz — salomatlik va hayotining farovon bo’lishi; iflos hovuz — kasallik va noxushliklar.

Xoda. Xoda — mayda noxushlik va xafagarchiliklar.

Xolva. Tugtsda xolva ko’rish va eyish uch narsaga yo’yiladi: boylikka, ilmga, iltifotga, shirin so’zlar tinglashga.

Xom oshqovoq eyish. Kim oshqovoqni xomlay esa, unga jin tomonidan qo’rqinch etadi yoki bir kishi bilan xusumatlashadi.

Xomiy. Tushida xomiy ko’rgan odam manfaat topadi.

tushda