Tushda chiroyli

Chiroyli bolalar. Agar tushda ularni ko’rsangiz, o’ngda ko’nglingizga xush keladigan tanishuvlar bo’ladi.

Chiroyli daraxt. Agar mayyit daraxt ustida bo’lib, u daraxt katta, chiroyli bo’lsa, vafot etgan odam jannatda bo’ladi. Extimol, u Tubo (jannatdagi daraxt) bo’lsa, ajab emas.

Chiroyli ko’rinish. Quyosh zarrin nurlarini sochib turgan chiroyli manzarani tushda ko’rsangiz, o’ngda sizni go’zal kelajak kutadi. Agar xarob manzara ko’rsangiz, o’ngingizda qayg’u va tushkunlik ro’y beradi.

Chiroq. Kim chiroqqa ega bo’lganini ko’rsa, ilm va yuqori mansabga erishadi. Kim kunduz kuni chiroq ko’tarib yurganini ko’rsa, dinida maxqam, yo’lida to’g’ri bo’ladi. Aytilishicha, chiroq taqvodor olim va faqih farzand yoki saxiy savdogardir. Uyida chiroq borligini ko’rsa, muborak farzand dunyoga keladi. Chiroq bo’ydoq uchun xotin, kasal uchun shifo belgisidir. Chiroq nurlari yoritmaydigan bo’lsa, g’am-qayg’uga dalolat. Agar o’chib qolsa, kasal odam vafot etadi.

Chiroq. Kimki tushida yonib turgan chiroqni ko’rsa, salomatlik va uzoq umr ko’rishiga ishoradir.

Chiyabo’ri. U ayollar, mahbuslar va faqirlarning qichqirig’idir.

Chodir. Agar tushingizda yotar joyingizda chodir ko’rsangiz, izzat va boylikka yo’yiladi. O’ngingizda jamiyatda mustahkam o’rin egallaysiz, sizga yuqori martaba nasib qiladi. Agar chodir yo’q bo’lib qolsa yoki yirtilgan bo’lsa, o’ngingizda sizni sharmandali ish kutadi.

Choyshab. Juftlik munosabatlarining barqarorligi.

Choyshab. Tushda choyshab yuvayotgan bo’lsangiz, o’ngdagi xafachilikka ishora; oilangizda janjal bo’lib, turmushingiz buzilishgacha boradi. Kambag’al odam tushida yuvilgan va dazmollangan choyshab ko’rsa, o’ngida ro’shnolik ko’radi. Agar birovlar o’z choyshablarini yuvayotganlarini ko’rsangiz, o’ngda siz janjalga aralashib qolib, obro’yingizga putur etadi. Agar tushda yuvilgan choyshabni dorga osayotgan bo’lsangiz, o’ngda boy merosga ega bo’lasiz.

Chigirtka. Tushdagi bir to’p chigirtka yov lashkarini anglatadi.

Chigirtka. U tushda azobdir. Agar osmondan chigirtka tushsa, Allohning azobidir. Agar uni eyiladigan joyda ko’rsa, rizqqa dalolat. Qaysi joyda u ko’rinsa va zarar bermasa, yaxshilikdir. Ibn Sirin aytishicha, u askar va avom xalkdir. Ba’zan yomg’irga ham ishora.

Chigit. Chigit tushda halol moldir.

Chizish. Tushda rasm chizish – ruhiy tinchlik zarurligi; boshqa odam rasm chizayotganini ko’rsa – dunyoga va o’ziga boshqacha ko’z bilan qarash lozimligi; o’zining rasmini ko’rsa – manmanligi yashashiga xalaqit berayotgani.

Chiqish. Tushingizda qo’lingiz yo oyog’ingiz chiqqanini ko’rsangiz, o’ngingizda biron ish qilishdan oldin yaxshilab o’ylab olishingiz kerak bo’ladi.

Chilvir. Chilvir ko’rish, undan foydalanish – mayda qiyinchiliklar; chilvirni chuvalashtirish – takdir chalkashliklari; chilvirni tortish – asabning taranglashuvi, kasalligi (xususan, nevroz); chilvirni uzish – janjal, kelishmovchilik, stress va yomon kayfiyat.

Childirma (atrofida shildiroqlari bo’lmagan doi- ra). Ibn Sirin u shuhratdir, deydi.

Chinqiriq. Tushda chinqiriq eshitmoq o’ngdagi jan- jal va kelishmovchilikka ishora.

Chipta. Tushdagi chipta yangilikka ishora, uni yo’qotish omadsizlikdan dalolat beradi.

Chipta. Chipta ko’rish, sotib olish yoki uni yo’qotib qo’yish – mayda noxushlik va tashvish.

Chirigan, xunuk daraxt. Agar mayyit ko’rimsiz, tikanakli, qoramtir, chirigan daraxt ustida bo’lsa, o’lik azobda bo’ladi. Ehtimol, bu kufri yoki fasodi tufayli unga berilgan Zaqqum daraxtidir.

Chiriganlik. Tushda biron narsaning chiriganini ko’rsangiz, o’ngda moliyaviy ahvolingiz yomonlashadi.

Chirmovuq. Biron ishda muvaffaqiyat qozonishingiz uchun sizga qo’llab-quvvatlovchi kishi kerak ekan.